प्रथम मेयर कप नकआउट क्रिकेट प्रतियोगिता शुरु

खग प्रसाद चापागाई, तौलिहवा ।
कपिलवस्तु नगरपालिकाको आयोजनामा प्रथम मेयर कप नकआउट क्रिकेट प्रतियोगिता शुरु भएको छ । एक कार्यक्रमका बिच तौलिहवाको बुद्धपद्धम माबिको खेल मैदानमा नगरपालिकाका प्रमुख किरण सिंह, पुर्व राजदुत दिप कुमार उपाध्याय, पुर्व राज्य मन्त्री सुरेन्द्रराज आचार्य र संघिय संसदका साँसद अतहर कमालले क्रिकेट खेलेर प्रतियोगिताको उदघाटन गरेका हुन ।
प्रतियोगितामा नगरका ८ टोली बिच प्रतिश्पर्धा हुने जनाईएको छ । फागुन ११ गते सम्म चल्ने प्रतियोगिताकाका बिजेतालाई नगद २५ हजार र उपबिजेता टोलीलाई नगद २० हजार र कप प्रदान गरिने आयोजकले जनाए ।
प्रतियोगिताको उदघाटन पछि मन्तब्य दिदै पुर्व राज्यमन्त्री तथा नेपाली काँग्रेसका जिल्ला सभापति सुरेन्द्रराज आचार्यले नगरले शुरु गरेको मेयर कपले युवाहरुलाई सिर्जनशिल बन्न सहयोग पुर्याउने बताए ।
पुर्व राजदुत दिपकुमार उपाध्यायले नेपालले क्रिकेट सहितका खेलमा बिश्वमै आफनो प्रदर्शनलाई सुधार गर्दै गएको बेला जिल्लामा समेत यस्ता खेललाई प्राथमिकता दिनु पर्ने बताए । नगर प्रमुख किरण सिंहले यस बर्षबाट शुरु गरिएको मेयर कपलाई निरन्तरता दिईने प्रतिबद्धता जनाए ।