वडा अध्यक्षका छोरा मृत फेला

मायादेवी अनलाइन, कपिलवस्तु ।
कपिलवस्तुको मायादेवी गाउँपालिका–४, पिपराका वडा अध्यक्ष फत्ते मोहम्मदका छोरा आइतबार विहान मृत अवस्थामा फेला परेका छन । गत विहिवार देखि हराइरहेका वडा अध्यक्षका ६ बर्षिय छोरा माहोम्मद एमान मृत अवस्थामा फेला परेका हुन । आफ्नै घर पछाडी रहेको भाडा माझेर बगेको पानी पोखरीमा उनको शव भेटिएको परिवारजनले बताएका छन ।
मृत अवस्थामा बालक भेटिएका सुचना घरपरिवारले जिल्ला प्रहरी कार्यालयलाई दिएका थिए । सुचना पाए लगत्तै जिल्ला प्रहरी कार्यालयको टोली घटनास्थलमा पुगेको थियो । मृत अवस्थामा भेटिएका बालकको शरीरमा कुनै चोटपटक नलागेको जिल्ला प्रहरी कार्यलय कपिलवस्तुका प्रहरी नायब उपरीक्षक नरेन्द्र कार्कीले बताए । बालकको अपहरणकारिबाटै हत्या भएको हुन सक्ने र घटनाबारे अनुसन्धान भैरहेको प्रहरी उपरिक्षक कार्कीले जनाए ।
बालक गत विहिवार विहान ८ बजे नजिकैको विद्यालय जान हिडेका थिए । उनको स्कुल जाँदै गर्दा गाउँबाटै अपहरण भएको परिवारले जनाएको छ । वालकले नजिकैको निसवा स्कुल, गुल्डीहवामा नर्सरीमा अध्ययन गर्दै आएका थिए । आफनो छोरालाई रातो र कालो रंगको पल्सर मोटरसाईकलमा आएका २ जना अज्ञात ब्यक्तिले अपहरण गरी लगेको वडा अध्यक्ष मोहम्मदले बताएका छन ।