माघ २ गते देखि हथौसामा लाग्ने माघीको तयारी अन्तिम चरणमा

मायादेवी अनलाइन, ओदारी, १ माघ ।
माघी महोत्सवको व्यापक तयारीमा जुटेको थारु जागृति युवा क्लब कपिलवस्तुले आइतबार मेला स्थलमा खुल्ला रक्तदान कार्यक्रम गरेको छ । आयोजकले माघीको अवसर पारेर आइतबार मेलास्थल हथौसामा रक्तदान कार्यक्रम आयोजना गरेको हो । रक्तदान कार्यक्रममा ३७ जनाले रक्तदान गरेको आयोजकले जानकारी दिएको छ ।
भैरहवा रेडक्रश सोसाईटी र थारु जागृति युवा क्लब हथौसाको सहकार्यमा रक्तदान सम्पन्न भएको बताइएको छ । रक्तदान जिवन दान भन्ने नाराका साथ रक्तदान गरिएको माघी महोत्सब संयोजक दशरथ थारुले बताउनुभयो । महोत्सबको अबसरमा रक्तदान कार्यक्रम सञ्चालन गर्नुले रगत अभाब हुन नदिनका लागी केही मात्रामा भए पनी सहयोग पुग्ने उहाको भनाई छ ।
यहि माघ २ देखि ४ गतेसम्म क्लबको आयोजनामा वाणगंगा नगरपालिका ११ हथौसाको महाशिवरात्री मेला स्थलमा आठौ कपिलवस्तु माघि महोत्सव आयोजना हुदैछ । माघी महोत्सवको तयारी अन्तिम चरणमा पुगेको आयोजकले जानकारी दिएको छ ।