राष्ट्रिय ब्याडमिन्टन प्रतियोगीताका लागि सुन्दरी छनौटमा परिन

मायादेवी अनलाइन, बुद्धभुमि, १ माघ ।
धनगढीमा यही माघ २ देखि ६ गते सम्म राखेपद्धारा आयोजित ३९ औ राष्ट्रिय ब्याडमिन्टन प्रतियोगीताका लागि पश्चिमाञ्चलबाट कपिलवस्तु बुड्ढीकी सुन्दरी थारु छनौट भएकी छिन ।
पोखरामा भएको क्षेत्रीय स्तरको प्रतियोगीताबाट उनी छनौट भएको जिल्ला खेलकुद विकास समितिका ब्याडमिन्टन प्रशिक्षक राजेश शाक्यले बताउनुभयो । थारु समुदयाबाट राष्ट्रिय स्तरको ब्याडमिन्टनमा छनौट भएको सुन्दरी पहिलो रहेको शाक्यले बताउनुभयो ।
छनौट भएकी सुन्दरीलाई तौलिहवामा खादा र माला लगाई बिदाई गरिएको छ । सुन्दरीलाई बिभिन्न संस्था र ब्यक्तिहरुले सहयोग समेत गरेका छन । बुढ्डी ब्याडमिन्टन क्लवले ट्रेक सुट, प्रशिक्षक शाक्यले टी सर्ट, मोजा र स्प्रे, दिपक बस्नेत क्षेत्रीले जुत्ता तथा रामबहादुर कुवरले जकेट प्रदान गरेका थिए ।