अज्ञात समूहद्धारा व्यवसायी माथि गोली प्रहार

लक्ष्मण पोेख्रेल, बुटवल, २१ पुस ।
रुपन्देहीको देवदह नगरपालिका भेकाबारमा व्यवसायीमाथि गोलीप्रहार भएको छ । अज्ञात समूहको गोली प्रहारबाट फर्निचर व्यवसायी बसन्त पौडेल बलु घाइते भएका छन् । घाइते पौडेलको अञ्चल अस्पताल बुटवलमा उपचार भइरहेको छ ।
कसले र किन गोली हान्यो भन्ने खुल्न नआएको र अनुसन्धान सुरु भएको प्रहरीले जानकारी दिएको छ ।
बुटवलमा केही समयअघि अज्ञात समूहकै गोली प्रहारबाट युवा संघका अध्यक्ष दुर्गा तिवारीको हत्या भएको थियो ।