पाँच केजी चरेशसहित एक युवक पक्राउ

बागलुङ, पुस १२ । बागलुङको निसीखोला गाउँपालिका(३, मा रहेको इलाका प्रहरी कार्यालय झिवाखोलाले करिव ५ केजी चरेससहित एक युवकलाई पक्राउ गरेको छ ।

निसीखोला गाउँपालिकाको वडा नम्बर–६, भल्कोटदेखि बुर्तिबाङ बजारतर्फ आउँदै गरेको ना ४ ख ९२०९ नम्बरको बसमा चेकजाँच गर्दा निसीखोला गाउँपालिका—५, निसी बस्ने ३० वर्षका खिमबहादुर घर्ती पक्राउ परेका हुन् ।

प्रहरीको चेकजाँचमा खिमबहादुरले झोलामा प्याक गरेर बुर्तिबाङ ल्याउँदै गरेको चरेश झिवाखोला प्रहरी चौकीका प्रहरी नायव निरीक्षक रिमबहादुर बैदवारको नेतृत्वमा खटिएको प्रहरी टोलीले पक्राउ गरेको इलाका प्रहरी कार्यालय झिवाखोलाले जनाएको छ ।

चरेससहित पक्राउ परेका घर्तीलाई थप अनुसन्धानको लागि जिल्ला प्रहरी कार्यालय बागलुङ ल्याइएकोे इलाका प्रहरी कार्यालय बुर्तिबाङका प्रमुख कृष्ण रानाले बताउनुभयो ।