बाढीले घर भत्किँदा रुपन्देहीमा एकजनाको मृत्यु

रुपन्देही, ३० साउन ।
रुपन्देहीको सिपवामा बाढीका कारण घर भत्किँदा आइतबार राति एकजनाको ज्यान गएको छ ।
कोटहीमाई गाउँपालिका–१ सिपवाका फागु हरिजनको घर भत्किँदा उहाँका १५ वर्षका छोरा रोशनको ज्यान गएको हो ।
फागु र उहाँकी श्रीमती शीला घाइते भएको वडा सदस्य विजयकुमार यादवले जानकारी दिनुभयो । दुवैजनालाई उपचारका लागि स्वास्थ्य संस्था लगिएको छ ।