रुकुम पश्चिम ।
रुकुम पूर्वको सिस्ने गाउँपालिका–६ पाखागाउँमा गएराति अटो रिक्सा दुर्घटना हुँदा एक बालिकाको ज्यान गएको छ । दुर्घटनामा चार जना घाइते भएका छन् ।
ज्यान गुमाउनेमा सिस्ने–६ खोपिचारकी १२ वर्षीया विष्णु बुढामगर रहेकी प्रहरीले जनाएको छ । जिल्ला प्रहरी कार्यालय रुकुम पूर्वका प्रहरी निरीक्षक हिमबहादुर केसीका अनुसार दुर्घटनामा गम्भीर घाइते भएका सिस्ने–६ का १६ वर्षीय महेन्द्र बुढामगरलाई थप उपचारका लागि नेपालगञ्ज पठाइएको छ । अन्य तीन जनाको अवस्था सामान्य रहेको र जिल्ला अस्पताल रुकुमकोटमा उपचार भइरहेको छ ।
लुम्बिनी प्रदेश ०२००१ ह ०३५० नम्बरको अटो रिक्सा मध्यपहाडी सडकको पाखाँगाउँबाट रुकुमकोट आउँदै गर्दा दुर्घटनामा परेको थियो । अटो रिक्सा अनियन्त्रित भई सडकबाट तल खसेको प्रहरीले जनाएको छ ।
प्रतिक्रिया