चर्चित गायक प्रकाश दुतराजसँगै रमाउन पाइनेछ आजको कपिलवस्तु महोत्सवमा

कपिलवस्तु ।

१५औं कपिलवस्तु महोत्सवको छैठौ दिन अर्थात सोमबार चर्चित लोकदोहोरी गायक प्रकाश दुतराज आउने भएका छन् । सोमबार दुतराजसंगै गायिका सिता राना, गायक बसन्त लम्साल लगायतका कलाकार आउने महोत्सवका मनोरञ्जन तथा सांस्कृतिक कार्यक्रम संयोजक राँमजी सेनले जानकारी दिए ।

आईतबार लोकदोहोरी गायक अर्जुन सापकोटा, आधुनिक गायक हिमाल सागर, लोकदोहोरी गायिका रितु थापा लगायतका स्थानीय कलाकारहरुले प्रस्तुति राखेका थिए ।

यस्तै आइतबार महोत्सवमा नेपाली चलचित्रका महानायक राजेश हमालको पनि उपस्थिती रहेको थियो ।

“सक्षम व्यवसायी, समुन्नत राष्ट्र र आत्मनिर्भर अर्थतन्त्र” भन्ने मूल नाराका साथ महोत्सव बाणगंगाको चारनम्बर जीतपुरस्थित बुद्धरंगशालामा मंसिर १९ गते देखि सुरु भएको हो ।