दाङको तुलसीपुरमा तिलहरी लुटेको आरोपमा एक जना पक्राउ

दाङ ।
दाङको तुलसीपुर बसपार्कमा महिलाको तिलहरी लुटेको आरोपमा एक जनालाई प्रहरीले पक्राउ गरेको छ ।

सल्यानबाट आफन्त भेट्न दाङ आएकी निर्मला खत्रीको तिलहरी लुट्दालुट्दै तुलसीपुर उपमहानगरपालिका–१८ का नवीन सुनार पक्राउ परेका इलाका प्रहरी कार्यालय तुलसीपुरका प्रमुख डीएसपी पुष्पराज मल्लले जानकारी दिनुभयो ।

निर्मलालाई आफन्तको घरसम्म पुर्याइदिने भन्दै नवीनले मोटरसाइकलमा राखेर केही पर लगेर तिलहरी लुटेका थिए । महिला चिच्याएपछि स्थानीय बासिन्दाले प्रहरीलाई खबर गरेका थिए ।

डीएसपी मल्लका अनुसार बसपार्क चौकी इञ्चार्ज असई सन्तोष आचार्यको टोलीले नवीनलाई हिजो पक्राउ गरेका हो ।