विद्युतको तारमा झुण्डाइएको लुगा हटाइयो

मायादेवी अनलाइन, तौलिहवा ।
कपिलवस्तुमा हाइटेन्सन लाइनमा झुण्डाइएका लुगाहरु हटाइएको छ ।

होली पर्वको मौकामा मातेका युवाहरुले तौलिहवाको गौढी चोक नजिक रहेको हाइटेन्सन लाइनमा लुगा झुण्डाएका थिए ।

कपिलवस्तुका प्रमुख जिल्ला अधिकारी शंकरहरी आचार्यको निर्देशन पछि बिहीवार बिहान लुगाहरु हटाइएको नेपाल बिद्युत प्राधिकरण तौलिहवा बितरण केन्द्रका प्रमुख राजेश कुमार झाले जानकारी दिनु भयो ।

होलीको बेला गत मंगलवार युवाहरुले एक आपसका लुगाहरु च्यातेर फाल्दै तारमा झुन्डाएका थिए ।