कपिलवस्तुमा ट्रकले स्कुटरलाई ठक्कर दिदाँ एक किशोरको मृत्यु

मायादेवी अनलाइन, जितपुर ।

कपिलवस्तुमा ट्रकले स्कुटरलाई ठक्कर दिदाँ एक किशोरको मृत्यु भएको छ ।

गएराति जिल्लाको बुद्धभूमि नगरपालिका २ गोरुसिंगेमा भएको उक्त दुर्घटनामा अर्घाखाँचीका १७ बर्षीय सम्राट खनालको मृत्यु भएको जिल्ला प्रहरी कार्यालय कपिलवस्तुले जनाएको छ ।

गम्भिर घाईते भएका उनलाई थप उपचारका लागी बुटवल लैजाने क्रममा मृत्यु भएको हो ।

मृतकका बुवा समेत रहेका स्कुटर चालक लक्ष्मण खनाल भने सामान्य घाईते भएका छन् । प्रहरीका अनुसार पश्चिमबाट पूर्वतर्फ जादै गरेको लु २ ख ६५०१ नम्बरको ट्रकले लु ६२ प ८७८४ नम्बरको स्कुटरलाई ठक्कर दिएको हो ।

भित्री बाटोबाट मुख्य राजमार्गमा प्रवेश गर्न लाग्दाँ ट्रकले स्कुटरलाई ठक्कर दिदाँ घटना भएको प्रहरीको प्रारम्भिक अनुसन्धानबाट खुलेको छ ।

प्रहरीले ट्रक र ट्रक चालकलाई नियन्त्रणमा लिएर थप अनुसन्धान अघि बढाएको जनाएको छ ।