मायादेवी अनलाइन, बाणगंगा ।
कपिलवस्तुमा होटल तथा पर्यटन व्यवसायी संघ दर्ता भएको छ । जिल्ला प्रशासन कार्यालयमा उक्त संघ दर्ता भएको हो ।
बाणगंगा क्षेत्रका होटल व्यवसायीको सक्रियताबाट उक्त संघ दर्ता गरिएको जनाइएको छ ।
होटल तथा रेष्टुरेन्ट व्यवसायी संघ कपिलवस्तुमा आवद्ध बाणगंगा क्षेत्रका अधिकांश व्यवसायी होटल तथा पर्यटन व्यवसायी संघ तर्फ लागेका छन् ।
बर्षौ देखि सञ्चालन हुँदै आएको होटल तथा रेष्टुरेन्ट व्यवसायी संघमा विवाद बढ्दै गए पछि एक समूहले होटल तथा पर्यटन व्यवसायी संघ गरी अगाडी बढ्ने निर्णय गरेका हुन् ।
संघको अध्यक्षमा रविन्द्र पौडेल आएका छन् ।
पौडेल तत्कालिन होटल तथा रेष्टुरेन्ट व्यवसायी संघ कपिलवस्तुको महासचिव थिए । त्यहाँबाट उनी हटेपछि होटल तथा पर्यटन व्यवसायी संघ खोल्ने प्रयास थालेका थिए । सोही बमोजिम प्रशासनमा दर्ता गरी यसलाई बैधानिकतामा ल्याइएको हो ।
प्रतिक्रिया