रुपन्देहीमा मोटरसाइकल दुर्घटनामा दिदीभाइको मृत्यु

रुपन्देही ।

रुपन्देहीमा मोटरसाइकल दुर्घटनामा परी दुई जनाको मृत्यु भएको छ । रूपन्देहीको तिलोत्तमा नगरपालिका ६ गोरकट्टामा भित्री सडकबाट सिद्धार्थ राजमार्ग तर्फ आउँदै गरेको लु १६ प ६१३० नम्बर मोटरसाइकल र विपरीत दिशातर्फ जाँदै गरेको लु २८ प ४३७३ नम्बरको मोटरसाइकल आइतबार एक आपसमा ठोकिँदा दुर्घटना भएको हो ।

इलाका प्रहरी कार्यालय बुटवलका अनुसार दुर्घटनामा परि लु १६ प ६१३० नम्बरको मोटरसाइकलमा सवार तिलोत्तमा ३ शंकरनगर बस्ने समीक्षा खराल, सोही ठाउँका सुग्रिम खरालको उपचारको क्रममा मृत्यु छ। प्रहरीले मोटरसाइकल र चालकलाई नियन्त्रणमा लिएर अनुसन्धान सुरु गरेको जनाएको छ।