दाङमा पौडी खेल्ने क्रममा डुबेर एक जनाको ज्यान गयो

दाङ ।
दाङमा अर्जुन खोला र मसोट खोलाको दोभानमा पौडी खेल्ने क्रममा डुबेर एक जनाको ज्यान गएको छ ।

शनिवार साथीहरुसँग नुहाउन दोभानमा पुगेका घोराही उपमहानगरपालिका – २ रामपुर बुकाका २६ वर्षीय निराजन पोखरेलको पानीमा डुबेर ज्यान गएको अर्जुन खोलाका डीएसपी नवीन बुढाथोकीले जानकारी दिनुभयो ।

दिउँसो नुहाउने क्रममा मानिस डुबेको सूचना पाए लगत्तै डीएसपी बुढाथोकीको नेतृत्वमा १९ जनाको टोली खटिएको थियो । खोज तलास गर्ने क्रममा पोखरेलको शव खोँचमा अड्किएको अवस्थामा फेला परेको थियो । निराजन आफ्ना अन्य २ जना साथीसहित पौडी खेल्न पुगेका बताइएको छ ।