बस दुर्घटना अपडेटः ४ जना मृतकको सनाखत

भैरहवा ।
आइतबार बिहानै भैरहवा–परासी हुलाकी सडक अन्तर्गत रोहिणी पुलमा भएको दुर्घटनामा मृत्यु हुने ९ जनामध्ये चार जनाको पहिचान भएको छ ।

भैरहवास्थित युनिभर्सल शिक्षण अस्पतालमा उपचारकालागि पुऱ्याइएका २० जना घाइतेमध्ये ५ जनाको मृत्यु भएको हो । मृतक पाँच जनामध्ये तीन जनाको पहिचान भएको अस्पतालमा श्रोतले बताएको छ । श्रोतका अनुसार, पहिचान हुनेमा बुटवल योगीकुटीका ५६ वर्षीय विष्णु पौडेल, रौतहट जिल्लाका २० वर्षीय दिनेश दास र बुटवल ११ कालिकानगरका कृष्णप्रसाद बस्याल छन् ।

भीम अस्पतालमा मृत्यु हुने चार जनामध्ये रुपन्देहीको ओमसतिया–४ मटेरियाका राजेन्द्रप्रसाद पाण्डे रहेको खुलेको छ ।

हाल उपचाररत रहेका २४ जना यात्रुमध्ये १६ जनाको अवस्था गम्भीर छ । जनकपुरबाट भैरहवातर्फ जाँदै गरेको लु २ ख ३८४१ नम्बरको रात्रिबस बिहान साढे ४ बजे पुलबाट खस्दा दुर्घटनामा परेको थियो ।

के कारणले दुर्घटना भएको हो भन्ने बारेमा कारण खुल्न सकेको छैन । अधिकांशले घाइते यात्रुले दुर्घटनाको बेलामा आफू निदाएको बताएका छन् ।

यो पनि…

रुपन्देहीको रोहिणी खोलामा बस खस्यो ९ जनाको मृत्यु, २३ घाइते