रुपन्देहीका तीन पालिकाको नतिजा आउन बाँकी

रुपन्देही ।

रुपन्देहीका तीन स्थानीय तहको नतिजा आउन बाँकी रहेको छ। १६ स्थानीय तह रहेको रुपन्देहीका १३ वटा पालिकाको मतपरिणाम आएको छ भने ३ वटा पालिकाको मतपरिणाम आउन नसकेको निर्वाचन कार्यालयले जनाएको छ ।

नतिजा नआएका पालिकामा तिलोत्तमा नगरपालिका, लुम्बिनी सांस्कृतिक नगरपालिका र कोटहीमाई गाउँपालिकाको मतगणना जारी रहेको छ । मतपरिणाम आएका १३ पालिकामध्ये ८ वटामा नेपाली काँग्रेस, तीन वटामा नेकपा एमाले र एक एक पालिकामा जनता समाजवादी पार्टी र जनता प्रगतिशिल पार्टीले जित हासिल गरेका छन् ।

अहिले गणना भएकामध्ये तिलोत्तमा नगरपालिका र लुम्बिनी सांस्कृतिक नगरपालिकामा काँग्रेसले लिड गरेको छ भने कोटहीमाई गाउँपालिकामा एमालेले लिड गरेको छ।