पाल्पामा मोटरसाइकल अनियन्त्रि भई पल्टिँदा १ जनाको मत्यु

बुटवल ।

पाल्पामा मोटरसाइकल दुर्घटनामा परी एक जनाको मृत्यु भएको छ भने अन्य एक जना घाइते भएका छन् । मृत्यु हुनेमा मोटरसाईकल पछाडि सवार पाल्पाको तिनाउ गाउँपालिका–५ मस्यामका २० वर्षीय योगेश रास्कोटी रहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले बताए ।

यस्तै दुर्घटनामा परी मोटरसाइकलका चालक सोही स्थानका २४ वर्षीय जनक राना घाइते भएको थापाले बताए । शनिबार राति तानसेन नगरपालिका–९ दमकडा बजार स्थितमा सराईबाट बांसटारी तर्फ आउँदै गरेको लु ७७ प २१३२ नम्बरको मोटरसाईकल आँफै अनियन्त्रित भई पल्टिएको थियो ।

दुर्घटनामा परी गम्भीर घाइते भएका रास्कोटीको उपचारको क्रममा लुम्बिनी मेडिकल कलेज प्रभाषमा आइतबार बिहान मृत्यु भएको प्रहरी प्रवक्ता थापाले बताए । घाइते मोटरसाइकलका चालक जनक रानाको सोही अस्पतालमा उपचार भइरहेको छ ।