खप्तड गोल्डकपमा आज हिमालयन शेर्पा र नव जनजागृति क्लब खेल्दै

काठमाण्डौ ।

सुदूरपश्चिम खप्तड गोल्डकप फुटबल प्रतियोगितामा आज एउटा खेल हुँदैछ ।
धनगढी रङ्गशालामा हुने खेलमा हिमालयन शेर्पा क्लब र नव जनजागृति युवा क्लब खेल्दैछन् । खेल दिउँसो ३ बजे सुरु हुनेछ ।

प्रतियोगिताको उद्घाटन खेलमा अस्ति मनाङ मर्स्याङ्दी क्लबले भारतको दिल्ली फुटबल क्लबलाई हराएको थियो भने हिजो भएको दोस्रो खेलमा वाग्मती युथ क्लबले न्युरोड टिम एनआरटीलाई पेनाल्टी सुटआउटमा पराजित गरेको थियो ।

सर्वाधिक राशिको खप्तड गोल्डकप फुटबल प्रतियोगितामा १० टोली सहभागी छन् । प्रतियोगिताको विजेताले २१ लाख र उपविजेता टोलीले १० लाख रुपैयाँ नगद प्राप्त गर्नेछन् ।