बुद्दिसागर बेल्बासे, जितपुर ।
वाणगंगा सामुदायिक पुस्ताकालयले पाँचौ वार्षिक उत्सव मनाएको छ । श्रीपञ्चमी अर्थात सरस्वती पुजाको अवसरमा हरेक वर्ष वार्षिक उत्सव मनाउदै आएको पुस्ताकालयले यस वर्षपनि वार्षिक उत्सव मनाएको हो ।
कार्यक्रम वडा नम्बर १ का वडा अध्यक्ष बालकुमारी पन्त अधिकारीको प्रमुख आतिथ्यतामा भएको हो । कार्यक्रममा बोल्दै प्रमुख अतिथी पन्तले आफ्नो क्षेत्रमा विशेष गहनाको रुपमा रहेको यस पुस्तकालयले गर्दै आएका धेरै सकारात्मक कार्यहरु प्रती सम्मान गर्दै संस्था लाई भवन निर्माणका लागि सक्दो सहयोग पुराउने आश्वासन दिनुभएको छ ।
कार्यक्रममा संस्थाका आजिवन सदस्य एबम बुद्द साहित्य उप समिती संयोजक चतुर्भुज पाण्डेले सरस्वती पुजा, श्रीपन्चमी र सतपथ ब्राह्मणको बिषयमा विशेष जानकारी गराउदै ३ थान सतपथ ब्राह्मण पुस्तक समेत उपहार प्रदान गर्नुभएको थियो ।
कार्यक्रम बाणगंगा सामुदायिक पुस्तकालयका उपाध्यक्ष दोलख बहादुर पछाइको सभापतित्व, संस्थाका सल्लाहकार जानका पन्थीको स्वागत मन्तब्य, सचिव बुद्दिसागर बेल्बासेको संचालनमा सम्पन्न भएको हो । कार्यक्रममा बोल्दै अध्यक्ष पछाइले कार्यक्रमलाई भब्य र सभ्य रुपमा सफल बनाउन सहभागि सबै प्रती धन्यवाद प्रकट गर्नुभयो ।
प्रतिक्रिया