अखिल (क्रान्तिकारी) कपिलवस्तुले जलायो देउवा र प्रचण्डको पुत्ला

मायादेवी अनलाइन, वाणगंगा ।
नेकपा निकट अखिल (क्रान्तिकारी) कपिलवस्तुले प्रधानमन्त्री शेर बहादुर देउवा र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’को पुत्ला दहन गरेको छ ।

जिल्लाको वाणगंगा नगरपालिकास्थित गजेहडामा आइतबार साँझ क्रान्तिकारीले देउवा र प्रचण्डको पुत्ला बनाएर जलाएको हो ।

एमसीसी सम्झौतापास गराउने उद्देश्य सहित प्रधानमन्त्री देउवा र प्रचण्ड लागेकाले उनीहरुको विरोधमा उत्रिएको क्रान्तिकारीका केन्द्रीय सदस्य विज्ञान क्षेत्रीले बताए ।

एमसीसी पास गर्ने उद्देश्यसहित अमेरिकालाई पत्र पठाएको विरुद्ध पुत्लादहन गरेको पनि क्षेत्रीले जनाए ।