बर्दियामा बस अनियन्त्रित भई दुर्घटना हुँदा ३५ जना घाइते

बर्दिया ।

बर्दियामा यात्रुवाहक बस दुर्घटना हुँदा ३५ जना घाइते भएका छन् । बिहिबार बाँसगढी नगरपालिका वडा नम्बर ३ स्थित पूर्वपश्चिम राजमार्गमा बस सडक किनारमा पल्टिएको हो ।

प्रहरीका अनुसार बिहिबार बिहान कालिकोटबाट महेन्द्रनगरतर्फ गैरहेको ना ५ ख ५३८२ नम्बरको बस अनियन्त्रित भई दुर्घटनामा परेको हो ।

दुर्घटनामा घाइते भएकाहरु मध्ये ११ जनालाई थप उपचारको लागि कोहलपुर लगिएको जनाइएको छ ।