४७ करोडको लागतमा कपिलवस्तुका २ पालिकामा सुबिधा सम्पन्न अस्पताल निर्माण हुँदै

कपिलवस्तु ।

कपिलवस्तुका दुई पालिकामा १५ बेडको सुबिधा सम्पन्न अस्पताल निर्माण हुने भएका छन् । जिल्लाको महराजगंज र बुद्धभूमि नगरपालिकामा आधारभूत तहको सुबिधा सम्पन्न अस्पताल निर्माण हुन लागेको हो । महाराजगञ्जमा २८ करोड र बुद्धभूमि नगरपालिकामा १९ करोड लागतयको अस्पताल निर्माण हुन लागेको नगरपालिकाले जनाएका छन् ।

महराजगंज नगरपालिका वडा नम्बर १ प्राथमिक स्वास्थ्य चौकीको किनारमा एक बिघा बढी क्षेत्र रहेको उक्त जग्गामा सुबिधा सम्पन्न अस्पताल निर्मााणको तयारी गरिएको महाराजंगंजका मेयर अब्दुल कलाम खाँले बताए । अस्पतालमा आधारभुत तहको स्वास्थ्य सेवा उपलब्ध हुने उनले बताए । जनरल फिजिसियन, प्रसुति, ल्याब, फामेर्सी, डेन्टल आँखा लागतयका आधारभुत सेवा अस्पतालमा उपलब्ध हुने उनले बताए । अस्पताल निर्माण भए पछि महराजगंजले स्वास्थ्य सेवामा फडको मार्ने उनले बताए ।

सामान्य उपचारका लागि समेत जिल्लाको कपिलवस्तु नगरपालिका र छिमेकी जिल्ला रुपन्देही र भारत जानु पर्ने बाध्यता अस्पताल निर्माण भए पछि हटने मेयर कलामले बताए । उनले नगरबासीको स्वास्थ्य सेवा आफनो पालिकाको पहिलो प्राथमिकता रहेको बताए । उनले पालिकामा रहेको ११ वटै वडामा बर्थिङ सेन्टर निर्माण गर्ने र ११ वटै वडामा भवन निर्माण गर्ने योजना रहेको बताए । ११ मध्ये ६ वटा वडामा बर्थिक सेन्टर संचालन भईसकेको उनले बताए । बाँकी ४ स्वास्थ्य चौकीमा समेत बर्थिङ सेन्टर चाडै बनाईने उनले बताए । यस्तै वडा नम्बर ४, ५ र ११ मा अधुरो स्वास्थ्य चौकी भवन समेत चाडै निर्माण गरिने उनले बताए ।

उता बुद्धभूमि नगरपालिका वडा नम्बर १ बडहरा चोकमा एक बिघा क्षेत्रमा १९ करोड लागतको आधारभुत अस्पताल निर्माणको प्रकृया अघि बढाइएको मेयर केशव कुमार श्रेष्ठले बताए । नगरपालिकाका इन्जिनियर कुशल घिमिरेले अस्पताल निर्माणको लागि टेन्डर आवहन गरि सकिएको बताए ।

निर्माण हुने अस्पतालमा जनरल फिजिसियन, डेन्टल, नेत्र रोग, प्याथोलोजी, ल्याब, प्रसुति, फार्मेसी लागतयका सेवा हुने उनले बताए । अस्पतालमा लिफ्टको समेत सेवा हुनेछ । आफनो कार्यकालको साढे ४ बर्ष पुरा गरेका बेला अस्पतालको निर्माण प्रकृया अघि बढेको भन्दै २ बर्ष भित्र अस्पतालको निर्माण संपन्न हुने मेयर श्रेष्ठले बताए । उनले अस्पताल निर्माण भएपछि नगरबासी लाभांवित हुने बताए ।