प्रधानमन्त्री देउवाको पीसीआर रिपोर्ट नेगेटिभ

काठमाण्डौ ।
प्रधानमन्त्री शेरबहादुर देउवाको कोरोना परीक्षणको पीसीआर रिपोर्ट नेगेटिभ आएको छ । आज गरिएको कोरोना परीक्षणको रिपोर्ट नेगेटिभ आएको उहाँको सचिवालयले जनाएको छ ।

नेकपा माओवादी केन्द्रका अध्यक्ष पुष्पकमल दाहाललाई कोरोना देखिएपछि गएको शनिवारदेखि देउवा होम क्वरेण्टीनमा बस्नुभएको थियो । उहाँले सबै भेटघाट पनि बन्द गर्नुभएको थियो ।

गएको बिहीवार र शुक्रवार उच्चस्तरीय राजनीतिक संयन्त्रको बैठकमा सहभागीमध्ये दाहाललाई कोरोना देखिएपछि देउवा क्वरेण्टीनमा हुनुहुन्थ्यो ।