रेसिडेन्सियलमा जारी खेल सप्ताह सकियोः शुक्रबार भलिवल र बोरा दौड

मनोज थापा, गोरुसिङ्गे ।
रेसिडेन्सियल ईङ्गलिस बोडिङ्ग स्कुलमा जारी खेल सप्ताह सकिएको छ । शुक्रबार दुई खेलसँगै सकिएको खेल सप्ताह विद्यालयका शिक्षक हेमराज भुसालले जानकारी दिनुभयो । शुक्रबार छात्रछात्रा भलिवल र बोरा दौड प्रतियोगिता सम्पन्न भएको भुसालले बताउनुभयो ।

जसमा भलिवल छात्रतर्फ ब्लु हाउस प्रथम, रेड हाउस द्धितिय भएका छन् भने सोहि खेलमा छात्रातर्फबाट ब्लु हाउस प्रथम ग्रीन हाउसले द्धितिय स्थान हासिल गरेका छन् । यस्तै बोरा दौड प्रतियोगितामा छात्रतर्फ आयुष सुनार प्रथम, जेनिथ थापा द्धितिय भएका छन् भने सोहि खेलको छात्रतर्फ अंजिता थापा प्रथम र दिपिका थारुले द्धितिय स्थान हासिल गरेका छन् ।

कार्यक्रममा बोल्दै विद्यालय संचालक विश्वराज खनालले विद्यालयमा संचालन हुने खेलकुद प्रतियोगिताले निरन्तर सिकाईलाई प्रभावपार्ने भन्दै विद्यार्थीहरु पढाइमा मात्र प्रथम हुनुपर्छ भन्ने अभिभावकको सोचलाई पनि खेलकुद सप्ताहले परिवर्तन गरेको बताउनुभयो । आगामी दिनमापनि विद्यालयले यस्ता प्रतियोगिता संचालन गर्ने खनालको भनाई छ ।

यस्तै विद्यालयका शिक्षक शंकर पौडेलले खेल भब्य र सभ्य रुपमा सम्पन्न गर्न सहयोग गर्ने सम्पूर्ण शिक्षक, कर्मचारी, विद्यार्थी, अभिभावकलाई धन्यवाद दिनुभयो ।

भलिवल प्रतियोगिता संचालनका लागि रुपन्देहीबाट भलिवल रेफ्री केशव गाहा र ओम बहादुर बुढा मगर आउनु भएको थियो ।