काठमाण्डौ ।
एभीसी सेन्ट्रल जोन भलिबल च्याम्पियनशिपमा नेपाली पुरुष टोलीले पहिलो जित निकालेको छ । आज शुक्रवार भएको खेलमा उज्वेकिस्तानलाई हराउँदै नेपाली पुरुष टोलीले प्रतियोगितामा पहिलो जित निकालेको हो ।
नेपालले उज्वेकिस्तानलाई तीन–एकको सेटमा हरायो । नेपालले पहिलो सेट २५–१८ ले हारे पनि लगातार तीन सेटमा विजयी भएको हो । नेपालले दोस्रो सेट २५–२१, तेस्रो सेट २५–२१ र चौथो सेट २५–२३ ले जित्यो ।
यसअघि हिजो भएको पहिलो खेलमा नेपाली पुरुष टोली सोझो सेटमा आयोजक बङ्गलादेशसँग पराजित भएको थियो ।
प्रतिक्रिया