बाणगंगा १० पटनाका फुलपति थारु बुटवलदेखि हराए

मायादेवी अनलाइन, चारनम्बर ।
कपिलवस्तुको बाणगंगा नगरपालिका वडा १० पटनाका ५० बर्षिय फुलपति थारु हराएका छन् । ठुलो ठेकही स्थायी घर भएका थारु गत मंसिर १९ गतेदेखि बुटवलबाट हराएका हुन् ।

परिवारजनले मायादेवी अनलाइनसंग बताए अनसार थारुले सर्ट, पाइन्ट र चस्मा लगाएका छन् । घरबाट निस्कँदा श्रीमतीले कहाँ हिँडेको भन्दा कही पनि नाई भनी निस्किएका थारु आजसम्म पनि परिवारको सम्पर्कमा नआएपछि चिन्ता थपिएको छोरी दीपा थारुले बताउनु भयो ।

यस विषयमा प्रहरीलाई जानकारी गराए पनि अझैसम्म केही सूचना नआएका कारण परिवार तनावमा रहेको दीपाले मायादेवीसंग बताउनु भयो । दीपाले ब्बाले दाहिने खुट्टा खोच्याएर हिँड्ने गरेको बताउँदै यस्तो देखिए नजिकको प्रहरीमा सम्पर्क गरिदिन पनि आग्रह गर्नुभएको छ ।