कांग्रेस कपिलवस्तुको उम्मेद्वारी दर्ता आज, भोलि चुनाव

मायादेवी अनलाइन, वाणगंगा ।
आसन्न नेपाली कांग्रेस कपिलवस्तुको निर्वाचनमा त्रिपक्षिय प्रतिस्पर्धा हुने भएको छ । पार्टीको १४ औं राष्ट्रिय महाधिवेशन अन्तरगत शनिबार (आज) उम्मेद्वारी दर्ता हुने छ । आइतबार मतदान हुने कार्यतालिका रहेको कांग्रेस कपिलवस्तुको सभापतिमा तीन जना लड्ने भएका छन् ।

जिल्लाका १० पालिका, ६ प्रदेश सभा निर्वाचन क्षेत्र र तीन प्रतिनिभिसभा मध्ये सबै तहमा चुनावबाट नेतृत्व छनौट भएको कांग्रेस कपिलवस्तुको सभापतिका लागि राजेश आचार्य, सुधाकर पाण्डे र अब्दुल कलाम बीच प्रतिस्पर्धा हुने भएको छ ।

यी तीन जना नेताले आज उम्मेद्वारी दर्ता गर्दै छन् । पूर्व जिल्ला पार्टी सभापति भएका आचार्य र पाण्डेय यो पालि जिल्ला सभापतिको आकांक्षी देखिएका छन् भने, कलाम वर्तमान उप–सभापति भएको कारण स्वभाविक रुपमा आफु सभापतिको उम्मेदवार रहेको बताउँदै आएका छन् ।