मायादेवी अनलाइन, चन्द्रौटा ।
कपिलवस्तुमा कांग्रेससहितका विभिन्न पार्टी परित्याग गरी ६३ जना नेता तथा कार्यक्रम नेकपा (एमाले)मा प्रवेश गरेका छन् ।
मंगलबार शिवराज नगरपालिका वडा नं. ३ मा भएकोे एमालेको शुभकामना आदान प्रदान तथा चियापान कार्यक्रममा नेपाली काँग्रेस इकाई उप-सभापति रेगमान गिरी सहित विभिन्न पार्टी परित्याग गर्दै ६३ जना एमाले प्रवेश गरेको उक्त पार्टीले दाबी गरेको छ ।
नवप्रवेशीलाई एमालेका जिल्ला अध्यक्ष झविलाल पोख्रेलले स्वागत गर्नुभएको थियो ।
वडा कमिटीले आयोजना गरेको शुभकामना आदान प्रदान तथा चियापान कार्यक्रममा बोल्दै जिल्ला अध्यक्ष पोख्रेलले संस्कृति र परम्परा सबैको साझा पर्व रहेको बताउनुभएको थियो । कार्यक्रममा एमाले शिवराजका नेता तथा कार्यकर्ताको उपस्थिति रहेको थियो ।
प्रतिक्रिया