कपिलवस्तुकी तुल्सी परियार ६ दिन देखि बेपत्ता

कपिलवस्तु ।

कपिलवस्तुकी तुल्सी परियार ६ दिन देखि बेपत्ता भएकी छन् । जिल्लाको कपिलवस्तु नगरपालिका वडा नं ६ बर्मेलीटोल निवासी अन्दाजी ३५ बर्षिय तुल्सी परियार कात्तिक ६ गते शनिवार दिउँसो २ बजे देखी हराएको पारिवारिक श्रोतले जनाएको छ । बाणगंगा नगरपालिका वडा नं ६ गैरीगाउँ माइतीघर भएकी परियार शनिवार बाट हराएपछी परिवारमा चिन्तामा छ ।
अन्दाजी ५ फिट उचाई र गहुँगोरो बर्ण रहेकी परियारलाई खोजिदिन परिवारले सबैसँग आग्रह गरेको छ । उनलाई कतै भेटाएमा श्रीमान सन्तबहादुर दमाईको मोबाइल नम्बर ९८१२९६३२४३ वा नजिकको प्रहरी कार्यालयमा जानकारी गराई सहयोग गर्न परिवारले अनुरोध गरेको छ ।