कपिलधाममा रहेको ‘लायन्स पार्क’ मा सरसफाई, नगरकै नमुना बनाइने

मायादेवी अनलाइन, चारनम्बर ।
लायन्स क्लव अफ कपिलवस्तुले ‘लायन्स पार्क’ को अवलोकन गरी विहिबार सरसफाइ गरेको छ । बाणगंगा नगरपालिका वडा नम्बर ९ कपिलधाममा रहेको पार्ककको क्लवले अनुगमन गरी सरसफाइ गरेको हो ।

एरिया कोचिफ कृष्ण केसी, जोन चेयर पर्सन सुरेन्द्र घिमिरे, लायनहरु ओम प्रकाश अर्याल, सन्दिप भट्टराई, मोहन अर्याल, विष्णु घिमिरे, लगायतको टोली त्यहाँ पुगेर घाँस तथा दुवो काटेर सफाई गरेका थिए ।

खास गरी त्यस पार्कमा गएर योगा तथा ध्यान गर्न सकिने गरी र बालबालिकाहरु हाँसखेल गर्न मिल्ने गरी स्तरउन्नती गर्न लागिएको संस्थापक अध्यक्ष केसीले बताउनु भयो ।

अब पार्कलाई नगरकै नमुना पार्क बनाउने गरी अगाडी बढेको क्लवले जनाएको छ । पार्कमा बिभिन्न विरुवा र फुलहरु रोपेर सुन्दर बनाई धामलाई हस्तान्तरण गरिने क्लवले जनाएको छ । क्लवको बातावरण संरक्षणको मर्म अनुसार पार्क बनाइएको हो । क्लवले त्यहाँ वृक्षरोपण पनि गरेको छ ।