२८ संक्रमितको मृत्यु हुँदा थप २ हजार ७७ जनामा कोरोना पुष्टि

काठमाडौं ।
पछिल्लो २४ घण्टामा थप २ हजार ७७ जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयले दिएको जानकारी अनुसार गत २४ घण्टामा गरिएको परीक्षणमा थप २,०७७ जनामा कोरोना पुष्टि भएको हो ।

पछिल्लो २४ घण्टामा कोरोना भाइरस संक्रमणबाट थप २८ जनाको मृत्यु भएको मन्त्रालयले जनाएको छ । योसँगै नेपालमा कोरोना संकेमणबाट मृत्यु हुनेको संख्या ९ हजार २९१ पुगेको छ ।

त्यस्तै, १ हजार ३३३ जना संक्रमणमुक्त भएको मन्त्रालयले जानकारी दिएका छ । हालसम्म निको हुनेको दर ९४.४९ प्रतिशत रहेको बताइएको छ ।