माओबादी केन्द्रका अध्यक्ष प्रचण्ड आज कपिलवस्तु आउँदै

मायादेवी अनलाइन, तौलिहवा ।
नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ शनिबार (आज) कपिलवस्तु आउनु हुने भएको छ ।

प्रचण्डले शनिबार जिल्लाको तौलिहवामा पार्टीका कार्यकतालाई प्रशिक्षण गर्ने कार्यक्रम रहेको पार्टीका स्थायी कमिटी सदस्य चक्रपाणी खनालले जानकारी दिनुभयो ।

अध्यक्ष प्रचण्डले पछिल्लो राजनैतिक घटनाक्रम र अबको राजनीतिक कार्यदिशाका बारेमा कार्यकर्तालाई प्रशिक्षण दिने नेता खनालले जानकारी दिनु भयो । साथै पार्टी प्रवेश कार्यक्रम समेत रहेको उहाँले बताउनु भयो । जिल्लामा ५ सय बढी नेता कार्यकर्ता माओबादी केन्द्रमा प्रवेश गर्ने कार्यक्रम रहेको जनाइएकोछ ।

प्रचण्डले शनिबार तौलिहवामा रहेको तौलेश्वरनाथ सस्कृत मा.वि.मा कार्यकर्ता प्रशिक्षणसंगै ठूलो संख्यामा नेपाल कम्युनिष्ट पार्टी (माओवादी केन्द्र)मा प्रवेश गराउने कार्यक्रम रहेको कपिलवस्तुका संयोजक विष्णु शाहले बताउनु भयो । कार्यक्रमको सम्पूर्ण तयारी पुरा भएको पनि शाहले जानकारी दिनु भयो ।