सफल व्यवसायी पाण्डेको महासचिवमा उम्मेदवारी घोषणा

मायादेवी अनलाइन वाणगंगा ।

कपिलवस्तु उद्योग वाणिज्य संघको निर्वाचनको अवधी २ दिन मात्र बाँकी छदा नेतृत्वको लागि उम्मेदवारी दिने क्रम बढेको छ ।

बुधबार मात्र २ वटाले प्यानल बनाएर उम्मेदारी घोषणा गरेसंगै नाम कमाएका व्यवसायीले पनि स्वतन्त्र रुपमा उम्मेदवारी घोषणा गरेका छन् । कपिलवस्तु उद्योग वाणिज्य संघको माघ २३ र २४ गते हुने सातौं अधिवेशनमा युवा व्यवसायी नेत्र पाण्डेले महासचिव पदमा उम्मेदवारी दिने घोषणा गर्नुभएको हो ।

वाणगंगा ८ निवासी नेत्र पाण्डेले संघको महासचिव पदमा उम्मेदवारी दिने मायादेवीलाई बताउनुभयो । सानै उमेरदेखि उद्योग व्यवसायमा लागेर सफल हुनुभएका पाण्डेले उद्योगी व्यवसायीको हकहित र संरक्षणमा आफुसंग स्पष्ट भिजन भएको बताउनुभयो । पाण्डे शिक्षा, स्वास्थ्य, संचार, सहकारी र उद्योग क्षेत्रमा लगानी गरेर सफल व्यवसायी बन्नुभएको छ ।

पाण्डेले युवा व्यवसायीको नेतृत्व गर्दै संघमा आवद्ध सदस्यहरुको माग र चाहनालाई बुझेर आफु महासचिवमा लड्ने बताउनुभयो । कपिलवस्तु उद्योग बाणिज्य संघको आगामी नेतृत्वको लागि चुनावी मैदानमा छट्टाछुट्टै प्यानल र स्वतन्त्र उम्मेदवारहरुले उम्मेदवारी घोषणा गरेका हुन् ।