मायादेवी अनलाइन, चारनम्बर ।
कपिलवस्तुको वाणगंगा नगरपालिकामा बुधबार (भोलि) शोक विदा दिइएको छ । वाणगंगा १० स्थित बाल आधारभूत विद्यालय वनकट्टीका प्रधानाध्यापक केशवराज काफ्लेको कोरोनाका कारण ज्यान गएपछि शोक विदा दिइएको नेपाल शिक्षक महासंघ वाणगंगा नगर समितिले जनाएको छ ।
महासंघका नगर सभापति अर्जुन शाहीले एक विज्ञप्ति जारी गर्दै बुधबार एक दिनका लागि नगरपालिका भरका विद्यालयमा शोक विदा दिन आग्रह गर्नुभएको छ ।
काफ्लेको उपचारको क्रमा ग्राण्डी इन्टरनेश्नल अस्पताल काठमाडौंमा ज्यान गएको पनि उहाँले जानकारी दिनुभयो । बाणगंगामा विद्यालयका प्रधानाध्यापकको कोरोनाको ज्यान जानु पहिलो घटना हो ।
प्रतिक्रिया