ओदारीमा साना किसान कृषि सहकारीको भवन शिलान्यास

मायादेवी अनलाइन, चार नम्बर ।

साना किसान कृषि सहकारी संस्था लिमिटेड ओदारीको भवन शिलान्यास भएको छ । सोमबार एक कार्यक्रमको आयोजना गरी प्रदेश सांसद विष्णु पन्थीले भवनको शिल्यानास गर्नु भएको हो ।

शिल्यान्यासपछि कार्यक्रमलाई सम्बोधन गर्दै सांसद पन्थीले छिटो निर्माण सकी सेवामा जान सहकारी संचालकलाई अनुरोध गर्नुभयो । सहकारीको भवन निर्माणका लागि अहिले प्रदेश सरकारले गरेकोमा आगामी वर्षहरुमा सहयोग जारी रहने उहाँको भनाई छ ।

कार्यक्रममा वाणगंगा नगरपालिकाका मेयर मंगल प्रसाद थारुले महिलाहरुले संञ्चालन गरेको साना किसान सहकारी ओदारीले छोटो अवधीमै उल्लेखनिय प्रगति गरेकोमा खुसी व्यक्त गर्नुभयो । उहाँले भवन निर्माणका लागि नगरले थप सहयोग गर्ने पनि आश्वासन दिनु भएको छ ।कार्यक्रमलाई वडाध्यक्ष सोमनाथ अर्याललेले भनाई राख्दै साना किसान कृषि सहकारी वडाकै नमुना सहकारी बन्ने विश्वास गर्नुभयो ।

सहकारीका अध्यक्ष टीका अर्यालको अध्यक्षतामा सम्पन्न कार्यक्रममा वडा सचिव राम प्रसाद सापकोटा, वडा सदस्यहरु बाजबुल लैन शाहा, जगनारायण थारु,साना किसान कृषि सहकारी मोतिपुरका अध्यक्ष भीम प्रसाद सापकोटा, सहकारीका सल्लाहकार रवि बहादुर काफ्ले, समाजसेवि मनोहर योगी, सल्लाहकारहरु लक्ष्मी भटराई, अम्बिका पौडेल कल्पना शर्मा, राष्ट्रिय दलित पत्रकार संघ कपिलवस्तुका अध्यक्ष कृष्ण हरिजन लगायतको सहभागिता थियो । व्यवस्थापक माया भटराईको सञ्चालनमा सम्पन्न कागएक्रममा सल्लाहकार काफ्लेले स्वागत गर्नुभएको सहकारीले जनाएको छ ।