नवलपरासी ।
नवलपुर बर्दघाट सुस्तापूर्व को कावासोतीमा मोटरसाइकल दुर्घटना हुँदा दुई जनाको ज्यान गएको छ । कावासोती नगरपालिका वडा नम्बर ८ मा रहेको भित्रको सडकखण्डमा गएराति ना २२ प ६५५५ नम्बरको मोटरसाइकल दुर्घटना हुँदा दुई जनाको ज्यान गएको हो ।
मोटरसाइकल दुर्घटना हुँदा ज्यान गुमाउनेमा कावासोती नगरपालिका वडा नम्बर ३, बस्ने २४ वर्षीय हेमराज थापा र कावासोती ८, बस्ने २६ वर्षीय सुनिल जैसवाल रहेको जिल्ला प्रहरी कार्यालय नवलपरासी पूर्व नवलपुरका प्रहरी नायब उपरीक्षक दिलीप गिरीले बताउनुभयो ।
मोटरसाइकल अनियन्त्रित भएर सालको रुखमा ठक्कर खाँदा दुर्घटना भएको प्रहरी नायब उपरीक्षक गिरीले बताउनुभयो ।
प्रतिक्रिया