आर्सनल र लेस्टर सिटी एफए कपको चौथो चरणमा

एजेन्सी ।
आर्सनल र लेस्टर सिटी एफए कप फुटबलको चौथो चरणमा प्रवेश गरेका छन् । गएराति भएको खेलमा आर्सनलले न्युक्यासल युनाइटेडलाई २–० ले हराउँदै चौथो चरणमा स्थान बनाएको हो ।

आर्सनलका लागि १०९ औं मिनेटमा स्मिथ रोव र ११७ औं मिनेटमा पियर एमरिक औबामियाङले गोल गरेका थिए । त्यसअघि निर्धारित ९० मिनेटको समयमा कुनै टिमले गोल गर्न नसकेपछि खेल अतिरिक्त समयमा धकेलिएको थियो ।

गएराति नै भएको अर्को खेलमा लेस्टर सिटीले स्टोक सिटीलाई ४–० ले हरायो । लेस्टर सिटीको जितमा जस्टिन, अब्राइग्टन, पेरेज र बार्नेसले एक एक गोल गरे ।