कडेँलका ममतामयी आमाको शोकसभा सम्पन्न

मायादेवी अनलाइन, वाणगंगा ।

कपिलवस्तुको बाणगंगा नगरपालिका १ बैरिया निवासी बेली शर्माको शोकसभा सम्पन्न भएको छ । द ल्याप्रोसी मिसन नेपाल अन्तर्गत चारवटा परियोजनाले सामूहिक रुपमा संस्थाका कन्ट्री डाइरेक्टर शोभाखर कडेँलका ममतामयी आमा स्वर्गीय बेली शर्माको मृतआत्माको शान्तिको कामना गर्दै शोकसभा सम्पन्न गरेको हो ।

शोक सभामा शोकाकुल परिवारजनमा धैर्यधारण गर्न शक्ति मिलोस् भन्दै हार्दिक भावपुर्ण समवेदना प्रकट गरिएको थियो । सभामा सस्थाका अध्यक्ष अशोक अधिकारीले शर्माको असामायिक दुखद निधनको खवरले सिङ्गो संस्थालाई नै अपुरणीय क्षति भएको बताउनुभएको छ । साथै मृतकको दुखतप्रति १ मिनेट मौनधारणा समेत गरिएको थियो ।

कार्यक्रम सभामा ल्याप्रोसी मिसन अन्तर्गत सञ्चालित फाउन्ड परियोजना, राइट परियोजना, इम्प्याक्ट परियोजना र हिल परियोजनाको उपस्थिति रहेको थियो भने सभाको सञ्चालन इम्प्याक्ट परियोजनाकी भगवती राउतले गर्नुभएको थियो ।