मरासिनीले ट्याक्टर समिति कपिलवस्तुको महासचिवमा उम्मेदवारी दिने

मायादेवी अनलाइन, चार नम्बर ।
नेपाल किसान ट्याक्टर समिति कपिलवस्तुको १६ औँ साधारण सभा तथा ८ औँ अधिवेशनको मिति नजिकिँदै गर्दा नेतृत्वको लागि हानथाप सुरु भएको छ ।
यही पौष ११ गते समितिको अधिवेशन हुँदै गर्दा समितिको मूलवडीमा ब्यावसायीले आआफ्नो उम्मेदवारी घोषणा गर्ने क्रम जारी छ ।
यसैबीच बाणगंगा ८ का युवा व्यवसायी सन्तोष मरासीनीले पनि महासचिवमा आकांक्षा राख्नु भएको छ । उहाँले मायादेवीलाई जानकारी दिनु भएअनुसार अबको नयाँ कार्यसमितिको लागि आफूले महासचिवमा उम्मेदवारी दिने पक्का भएको सुनाउनु भयो ।
विगत ६ बर्षदेखि आफूले कार्यसमितिमा रहेर काम गरिसकेको हुनाले यस क्षेत्रका समस्या र चुनौतिका विषयमा जानकार रहेको जनाउँदै यसपाली महासचिवमा उम्मेदवारी दिन लागेको बताउनु भएको हो । कोरोनाको कारण अहिले आफूहरु ज्यादै मारमा परेको उल्लखे गर्दै जित हासिल गरेमा आफूले केही नयाँ योजनासहित काम गर्ने प्रतिवद्धता जनाउनु भयो ।
समितिको अध्यक्षमा ओदारीका मनोहर कुमार योगीले उम्मेदवारी दिनु भएको छ भने महासचिवमा झविन्द्र खनालको पनि उम्मेदवारी छ । समितिको नयाँ कार्यकालको लागि अहिले २ प्यानल बनाएर चुनाव हुने आंकलन छ ।