ट्याक्टर समिति कपिलवस्तुको अधिवेशनः अध्यक्षमा योगी र महासचिवमा खनालको उम्मेद्वारी

मायादेवी अनलाइन, चार नम्बर ।
नेपाल किसान ट्याक्टर समिति कपिलवस्तुको आगामी नेतृत्वको लागि चुनावी सरगर्मी सुरु भएको छ । समितिको १६ औँ साधारण सभा तथा ८ औँ अधिवेशनको मिति नजिकिँदै गर्दा नेतृत्वको लागि चुनावी माहौल बढेको हो ।

यही पौष ११ गते समितिको अधिवेशन हुँदै छ । मायादेवीलाई प्राप्त सूचना अनुसार अध्यक्षमा ओदारीका मनोहर कुमार योगीले उम्मेदवारी दिनु भएको छ भने महासचिवमा झविन्द्र खनालले उम्मेदवारी दिनु भएको छ ।

समितिलाई अझै चुस्तदुरस्त पार्न आफूले अध्यक्षमा उम्मेदवारी दिएको प्रत्यासी योगीले मायादेवीलाई जानकारी दिनु भयो । भए सर्वसम्मत नभए चुनावमार्फत् भए पनि आफूहरुले जित्ने पनि उहाँहरुले मायादेवीसंग दावी गर्नुभयो । यस्तै अन्य पक्षबाट पनि नेतृत्वको लागि हानथाप रहेको बताइन्छ ।