बडा दशैंको शुभकामनाः ‘सबै बीचको एकतामा जोड’

मायादेवी अनलाइन, चार नम्बर ।
नेपालीहरुको महान सांस्कृतिक पर्व विजया दशमी २०७७ सालको पावन अवसरमा नेकपा कपिलवस्तुले शुभकामना सन्देश जारी गरेको छ ।

जिल्ला अध्यक्ष झविलाल पोख्रेल र जिल्ला सचिव रामचन्द्र शाह ‘विष्णु’ द्धारा जारी संयुक्त शुभकामना सन्देशमा सबै जात, जाती, भाषा–भाषी, वर्ग, समुदाय बीचको भाइचारा, एकता, सद्भाव, सहिष्णुता कायम गर्न विजया दशमी २०७७ सालले सबैमा प्रेरणा प्रदान गर्नेे विश्वास लिएको जारी सन्देशममा उल्लेख गरिएको छ ।

शुभकामना सन्देशमा खुसी, नेपाली समृद्ध नेपाल निर्माणको महान अभियानलाई सार्थक बनाउन सबैको आ–आफ्नो स्थानबाट सकारात्मक भूमिका आवश्यक रहेको भनिएको छ ।

जारी शुभकामना सन्देशमा पर्व, संस्कृतिका नाममा हुने विकृत कार्यलाई हटाउँदै पर्वलाई सकारात्मक सोचको विकास त्यस्ता कार्यको संरक्षण, प्रवर्धन र नविन कार्यको शुभारम्भका रुपमा विकास गर्नु पर्ने जारी सन्देशमा जोड दिएको छ ।

शुभकामना सन्देशमा विश्व ब्यापी रुपमा देखा परेको कोभिड–१९ लाई परास्त पार्न आफु पनि सुरक्षित रहन र अरुलाई पनि सुरक्षित राख्न सुरक्षाका मापदण्ड अवलम्बन गर्दै दशैं पर्व मनाउन आग्रह गरिएको नेकपा जिल्ला प्रचार तथा प्रकाशन विभाग प्रमुख लक्ष्मण बेल्बासेले जानकारी दिनु भयो ।