मायादेवी अनलाइन, चार नम्बर ।
कपिलवस्तुको बाणगंगा नगरपालिका वडा नम्बर ४ झुँगामा शुक्रबार (आज)बाट नगरस्तरीय बी ग्रेड ब्याडमिन्टन प्रतियोगिता हुने भएको छ । नेपालीहरुको महान पर्व विजया दशमी, शुभ दिपावली र छठ पर्वको अवसरमा शुभकामना आदान प्रदान स्परुप स्थानीय मुहान ब्याडमिन्टन क्लवको आयोजनामा प्रतियोगिता हुन लागेको हो ।
कुवेरापुर चौपारी चोकमा रहेको ब्याडमिन्टन कोर्टमा शनिबारसम्म चल्ने प्रतियोगितामा नगर भित्रका खेलाडीले लिएको खेल संयोजक अम्मर रेश्मीले जानकारी दिनुभयो । खेल सह संयोजक अशोक उच्चैका अनुसार प्रतियोगितामा दुई दर्शन बढी टिमले भाग लिने छन् ।
मुहान क्लवमा आवद्ध ब्याडमिन्टनप्रेमी युवाहरुको सक्रियतामा स्थापना भएको ब्याडमिन्टन क्लवले प्रतियोगिताबाट बचत हुने रकम झुँगामा निर्माणाधिन नव दुर्गा मन्दिरमा सहयोग गरिने क्लवले जनाएको छ ।
प्रतियोगितामा विजेता हुने टोलीले नगद १५ हजार र उपविजेता टोलीले ८ हजारसहित शिल्ड, मेडल र प्रमाण पत्र पाउने छन् ।
प्रतिक्रिया