कोरोना संक्रमणबाट बुटवलका थप दुई जनाको मृत्यु

बुटवल ।
कोरोना संक्रमणका कारण बुटवलमा बुधबार बिहान दुइ जनाको मृत्यु भएको छ । बुटवल कोरोना बिशेष अस्पतालमा उपचाररत थप दुइ जनाको मृत्यु भएको हो ।

लुम्बिनी प्रादेशिक अस्पतालका अनुसार बुटवल उपमहानगरपालिका ११ का ४७ वर्षीय पुरुष र बुटवल उपमहानगरपालिका १७ मोतिपुरका ८१ वर्षीय पुरुषको आज बिहान ५ बजे कोरोना बिशेष अस्पताल बुटवलमा उपचारका क्रममा मृत्यु भएको लुम्बिनी प्रादेशिक अस्पतालका प्रवक्ता डा.विष्णु गौतमले जानकारी दिनुभयो ।