शिवराजमा टिप्परको ठक्करबाट एक महिलाको मृत्यु

मायादेवी अनलाइन, चन्द्रौटा ।
कपिलवस्तुमा टिप्परको ठक्करबाट एक महिलाको मृत्यु भएको छ । मंगलवार साँझ जिल्लाको शिवराज नगरपालिका ६ धर्मनगरमा भएको दुर्घटनामा मोटरसाईकल सवार रोल्पा जिल्ला सुनछहरी गा.पा. ७ खेवाङ स्थायी घरभई हाल शिवराज न.पा. २ बस्ने बर्ष ४० कि सुनिता बुठामगरको मृत्युु भएको वडा प्रहरी कार्यालय चन्द्रौटाका प्रहरी निरीक्षक दिपेश खरेलले बताउनुभयो ।

चन्द्रौटाबाट कृष्णनगर तर्फ जाँदै गरेको प्रदेश न.२ ०३ ००१ख ०४८१ नम्बरको टिप्परले बिपरित दिशा बाट आइरहेको ग १२ प ७१०६ नम्बरको मोटरसाइकललाई ठक्कर दिएको थियो ।

मोटरसाइकल चालक खिम बुढाको अवस्था सामान्य रहेको प्रहरीले जनाएको छ । ठक्कर दिने टिप्पर र चालकलाई नियन्त्रणमा लिइ अनुसन्धान भइरहेको प्रहरी निरिक्षक खरेलले बताउनुभयो ।