दाङमा मोटरसाइकल दुर्घटना हुँदा एक जनाको मृत्यु

दाङ ।

दाङको तुलसीपुरमा मोटरसाइकल दुर्घटना हुदाँ एक जनाको मृत्यु भएको छ। एक जना घाइते भएका छन् । तुलसीपुर ८ अश्वाराबाट तुलसीपुरतर्फ आउँदै गरेको रा ५ प ४७५९ नम्वरको मोटरसाइकल सोमवार राती १२ बजे गहतेखोलामा दुर्घटना हुदाँ तुलसीपुर ६ गुम्राहचोक निवासी २९ वर्षीय वसन्त भण्डारीको मृत्यु भएको इलाका प्रहरी कार्यालय तुलसीपुरले जनाएको छ।

दुर्घटनामा परी मोटरसाइकलमा सवार दंगीशरण गाउँपालिका ६ श्रीगाउँ का २६ वर्षीय गोविन्द केसी घाइते भएका छन् । मोटरसाइकल पुलबाट गहते खोलामा खसेर दुर्घटना भएको प्रहरीले बताएको छ।