रुपन्देहीको रोहिणीमा कार दुर्घटना, तीन जनाको मृत्यु

बुटवल ।
रुपन्देहीमा कार दुर्घटना हुँदा ३ जनाको मृत्यु भएको छ । परासीबाट भैरहवा तर्फ जाँदै गरेको कार अनियन्त्रित भई पल्टदा ३ जनाको मृत्यु भएको हो ।

रुपन्देहीको रोहिणी गाउँपालिका वडा नम्बर ४ छिपागडस्थित हुलाकी सडकखण्डमा लु २ च ६७५६ नंम्बरको कार नियन्त्रित भई पल्टदा ३ जनाको मृत्यु भएको प्रदेश ५ ट्राफिक प्रहरी कार्यालय बुटवलले जनाएको छ ।

सडकबाट करिब १० मिटर तल खस्दा कारमा सवार ४ जना घाईते भएका थिए । घाइते उनिहरुलाइ उपचारको लागि भैरहवाको भिम अस्पतालमा लगिएको थियो । ३ जनाको उपचारको क्रममा मृत्यु भएको छ । मृत्यु हुने ३ जना मध्ये १ जनाको मात्र पहिचान खुलेको छ ।

चालक ओमसतिया गाउँपालिका ४ बालापुरका २६ वर्षीय देवेन्द्र चौधरी रहेका मृत्यु भएको छ भने अन्य २ जनाको परिचय खुल्न बाँकि रहेको प्रदेश ५ ट्राफिक प्रहरी कार्यालय बुटवलले जनाएको छ ।

घाईते रुपन्देही सिद्धार्थ नगरपालिका वडा नम्बर ४ का ३० बर्षीय अनिल यादव रहेका छन ।