पाल्पामा बाढीले २९ बर्षीय युवक बगायो

रुपन्देही ।
बुटवल-पाल्पामा बाढीले बगाउँदा एक युवाको मृत्यु भएको छ । जिल्ला प्रहरी कार्यालय पाल्पाका अनुसार रम्भा गाउँपालिका १ अर्सेनीमा आफ्नै खेतमा आएको बाढी तर्काउन गएका २९ वर्षीय दिनेश अर्यालको मृत्यु भएको हो ।

सडकबाट आएको बाढी खेतमा जान तर्काउने क्रममा बाढीले बगाएर उनको मृत्यु भएको हो । सोमबार राती ३ बजे खेतमा पसेको बाढी तर्काउन गएका उनको शव पुरिएको अवस्थामा फेला परेको हो ।