फुलह्यामको महत्वपूर्ण जीत

एजेन्सी ।
शीर्ष लिग बढुवाका लागि भएको च्याम्पियनसिप प्ले–अफ सेमिफाइनल अन्तर्गतको पहिलो खेलमा फुलह्यामले महत्वपूर्ण जित दर्ता गरेको छ ।

अवे मैदानमा सोमबार राति भएको खेलमा फुलह्यामले कार्डिफ सिटीमाथि २–० को जित निकालेको हो । उसका लागि ४९ औँ मिनेटमा जोश ओनोमाह र इन्जुरी समयको पहिलो अर्थात ९१ औँ मिनेटमा नीस्केन्स बेबानोले गोल गरेर जित दिलाएका हुन् ।

८१ अंकसहित चौथो स्थानमा रहेर च्याम्पियनसिपको यो सिजन टुंग्याएको फुलह्यामले इंग्लिस प्रिमियर लिगमा बढुवा हुनका लागि बाँकी रहेको एक स्थानमा पर्न अरु तीन क्लब ब्रेन्टफोर्ड, कार्डिफ र स्वान्सी सिटीलाई पछि पार्नु पर्ने हुन्छ ।

प्ले–अफको अर्को सेमिफाइनलमा ब्रेन्टफोर्ड र स्वान्सी सिटी प्रतिस्पर्धा गर्ने छन् । दुई लेगको सेमिफाइनलमा विजयी भएको टिम प्रिमियर लिग स्थानका लागि प्ले–अफ फाइनलमा प्रतिस्पर्धा गर्ने छन् । शीर्ष दुईमा रहेका वेष्ट ब्रोम र लीड्सले भने प्रिमियर लिगमा स्थान बनाइसकेका छन् ।