जिपको ठक्करबाट गम्भीर घाइते दुईजनाको उपचारको क्रममा निधन

दाङ ।
जिपको ठक्करबाट घाइते भएका दुईजनाको उपचारको क्रममा मृत्यु भएको छ । लमही–भालुवाङ सडकखण्डको राप्ती गाउँपालिका वडा नम्बर ४ पिपरीचोकमा पूर्वबाट पश्चिमका लागि छुटेको बा २० च ५७४४ नम्बरको जिपले शनिबार बेलुका पौने ७ बजे ठक्कर दिँदा घाइते भएका दुईजनाको उपचारको क्रममा मृत्यु भएको हो ।

मृत्यु हुनेमा स्थानीय ५० वर्षका राजकुमार चौधरी र रेमलाल चौधरीका ८ वर्षीय छोरा निसान चौधरी रहेको इलाका प्रहरी कार्यालय भालुवाङ्गले जनाएको छ।

गाउँका अगुवा राजकुमार चौधरीको कोहलपुरमा र बालक निसानको बुटवलमा उपचारको क्रममा मृत्यु भएको हो । घाइते अन्य तीनजनाको बुटवलमा उपचार भइरहेको छ।

राप्ती गाउँपालिका–८ पिपरीका सात वर्षकी बालिका सृष्टि गुरूङ, २२ वर्षकी गौरी चौधरी र उनकी दुई वर्षकी छोरी लक्ष्मी चौधरीको बुटवलमा उपचार भइरहेको हो ।

घटनापछि स्थानीयले गरेको सडक अवरोध शनिबार राति साढे १२ बजे खुलेको थियो । गुरही सेलाउने क्रममा जिपले ठक्कर दिँदा दुर्घटना भएको थियो ।